Регион
Дознај прв
ЈАНКОВИЌ И МЕСЕЦ ВО ВТОР КРУГ ВО ЉУБЉАНА: По 20 години Словенците повторно ќе избираат градоначалник во два круга
Зоран Јанковиќ освои околу 35%, а Лука Месец речиси 26% на локалните избори во Љубљана. Вториот круг во Словенија е на 29 ноември.

Јанковиќ се бори за својот седми градоначалнички мандат
Актуелниот градоначалник на Љубљана, Зоран Јанковиќ, ќе се соочи со кандидатот на партијата Левица, Лука Месец, во вториот круг од локалните избори во Словенија. Според неофицијалните резултати врз основа на речиси сите преброени гласови, Јанковиќ освоил околу 35 проценти, додека Месец добил нешто помалку од 26 проценти. Ова е првпат од 2002 година изборот за градоначалник на словенечката престолнина да биде решен во втор круг. Јанковиќ се бори за својот седми градоначалнички мандат, додека Месец смета дека резултатот покажува потреба од промена на локалното раководство. Вториот круг е закажан за 29 ноември.
SDS со најмногу градоначалнички мандати
На изборите, деветти по ред во независна Словенија, градоначалници во првиот круг биле избрани во 167 од вкупно 212 општини. Во 45 општини ќе има втор круг, меѓу кои Љубљана, Марибор и Крањ. Најголем број победи повторно оствариле независните кандидати, додека меѓу парламентарните партии најмногу градоначалнички мандати освоила Словенечката демократска партија (SDS) на Јанез Јанша. Партијата остварила и најдобар резултат на изборите за општинските совети.
Пресврти во Крањ и Марибор, зголемена излезност
Во Крањ актуелниот градоначалник Матјаж Раковц завршил на третото место, па во вториот круг ќе се натпреваруваат независните кандидати Јанез Черне и Ирена Доленц. Во Марибор, пак, новиот градоначалник ќе биде избран меѓу Матевж Франгеж и независниот кандидат Бор Грајнер. Излезноста на локалните избори изнесувала 53,27 проценти, што е за 5,63 процентни поени повеќе отколку во 2022 година и највисока од 2006 година. Вториот круг во сите општини каде што е потребен ќе се одржи на 29 ноември.

