СОНЧЕВО И ТОПЛО ВРЕМЕ ДЕНЕСКА: Температурите ќе достигнат до 35 степени

Денеска во Македонија ќе преовладува сончево време со мала до умерена локална облачност. Ќе дува слаб до умерен ветер, кој во западните делови повремено ќе се засилува и ќе биде од западен правец, додека долж Повардарието ќе дува ветер од југоисточен правец.

Температури до 35 степени

Утринските температури ќе се движат од 7 до 16 степени, а максималните дневни ќе достигнат од 27 до 35 степени. Најтопло ќе биде во јужните и централните делови од земјата, каде што се очекуваат температури до 35 степени, додека во западните и повисоките места ќе биде посвежо.

Во Скопје сончево со мала облачност

Во Скопје денеска ќе биде сончево со мала облачност. Ќе дува слаб до умерен ветер од југоисточен правец, а температурата ќе се движи од околу 12 степени наутро до 35 степени во текот на денот.