ИРАН ЈА ГУБИ КОНТРОЛАТА ВО ОРМУСКИОТ ТЕСНЕЦ: повеќе од 80 отсто од бродовите минуваат по рутата кај Оман

Американската морнарица ја зацврстува позицијата

Иран постепено ја губи контролата врз Ормускиот Теснец, додека американската морнарица ја зацврстува својата позиција во стратешки важната поморска рута. Според податоците на компанијата „Кплер“, повеќе од 80 отсто од преминувањето низ теснецот во изминатите две недели се одвивало по рутата кај Оман. Станува збор за бродска рута одобрена од ОН, на која Техеран силно се противи. И покрај ризикот, повеќето бродови во последниот период ги игнорираат барањата на Иран и минуваат под заштита на американската морнарица. Аналитичарот на „Кплер“, Хомајун Фалакшахи, оценува дека податоците укажуваат оти Иран барем делумно ја изгубил контролата врз теснецот.

Техеран останува без приходи од транзитни такси

Промената претставува голем пресврт во однос на состојбата од пред еден месец, кога речиси и да немало сообраќај по оманската рута. Намалувањето на сообраќајот по рутата што ја претпочита Иран воедно го спречува Техеран да наплаќа транзитни такси, нешто што се обидувал да го воведе во текот на пролетта. Кувајт, Саудиска Арабија и Обединетите Арапски Емирати користат супертанкери за транспорт на нафта низ Ормускиот Теснец, по што товарот се префрла на други танкери во Оманскиот Залив, надвор од опасната зона.