МЕЧКА И МАЛО МЕЧЕ ВО БЛИЗИНА НА БАЛТЕПЕ И КАЛЕТО

Убава глетка од дивиот свет на Шар Планина

Уште една убава и несекојдневна глетка од дивиот свет на Шар Планина е снимена во близина на Тетово. Тетовчанец успеал да сними мечка со мало мече во близина на ридот Балтепе и Калето. Снимката брзо привлече внимание, бидејќи ваквите сцени ретко се гледаат толку блиску до населени места.

Апел за внимателност до граѓаните

Ваквите моменти повторно потсетуваат дека Шар Планина е дом на богат и разновиден див свет. Мечките се дел од природниот екосистем и нивното присуство во планинските предели не е невообичаено. Сепак, граѓаните се повикуваат на внимателност доколку забележат диви животни. Не треба да им се приближуваат, да ги вознемируваат или да се обидуваат да ги хранат. Најбезбедно е да се задржи растојание и животните да се остават мирно да се оддалечат.