28 Август – Ден на рударите: Празник посветен на трудот и пожртвуваноста

Во чест на македонските рудари

Денеска, 28 август, во Македонија се одбележува Денот на рударите, празник посветен на работниците кои со својот труд придонесуваат за развојот на рударскиот сектор. Празникот се одбележува во спомен на штрајкот на рударите од Рудникот Лојане во Кумановско во 1929 година, кога тие се бореле за подобрување на работните услови и зголемување на личните доходи.

Празникот се одбележува на Голема Богородица

Денот на рударите традиционално се одбележува со прослави и свечености во македонските рудници. За заштитничка на рударите се смета Пресвета Богородица, чиј празник Успение на Пресвета Богородица, познат како Голема Богородица, се празнува на истиот ден. Празникот е и можност да се оддаде почит на сите рудари за нивната тешка и одговорна работа, како и на оние кои ги загубиле животите работејќи во рудниците. Нека им е честит Денот на рударите на сите рудари и нивните семејства!