(ВИДЕО) Црква или клуб? Ќе се организираат концерти во катедралата „Св. Павле“ во Лондон

Катедралата „Св. Павле“ во Лондон склучи четиригодишно партнерство со клубот „Fabric“ за современи музички настани, што предизвика критики.

објавено пред 1 час

(ВИДЕО) Црква или клуб? Ќе се организираат концерти во катедралата „Св. Павле“ во Лондон

Необична соработка во срцето на Лондон

Катедралата „Св. Павле“ во Лондон склучи четиригодишно партнерство со познатиот ноќен клуб „Fabric“, кој до 2030 година ќе биде ексклузивен партнер за современи музички настани во храмот. Првиот концерт е најавен за 29 октомври, но засега не е откриено кој артист ќе настапи. Соработката е продолжение на успешните настапи на RY X во 2024 година и Пети Смит во 2025 година, кои беа одржани во катедралата. Од „Св. Павле“ велат дека целта е да привлечат нови посетители и да понудат поинакво искуство во еден од најпрепознатливите простори во Лондон.

Одушевување кај едни, револт кај други

Идејата, сепак, предизвика критики бидејќи станува збор за активен верски храм со огромно историско значење. Критичарите сметаат дека ваквите настани го претвораат светото место во простор за забава, а дел од нив потсетуваат на контроверзите околу слични настани во катедралата во Кентербери. Особено реагирале потомци на адмиралот Хорацио Нелсон, кој е погребан во криптата на „Св. Павле“, оценувајќи дека одржувањето концерти на вакво место е непочитување на неговото сеќавање.