МИЦКОСКИ ОД ЊУЈОРК: Македонија останува на европскиот пат, го браниме идентитетот и државните интереси

Премиерот Христијан Мицкоски се обрати на самитот „Конкордија“ во Њујорк, кој се одржува паралелно со Генералното собрание на Обединетите нации. Тој порача дека Македонија останува посветена на европскиот пат, но истовремено ќе продолжи да ги брани својот идентитет и државните интереси. На панелот со грузиската заменик-премиерка Мака Ботчоришвили, Мицкоски зборуваше за пречките во процесот на евроинтеграција и за, како што наведе, обидите билатералните прашања да се поврзуваат со европскиот процес. Тој посочи дека земјата во изминатиот период направила повеќе отстапки, но дека и понатаму верува во европските вредности и ќе продолжи кон членство во Европската Унија.

ЕВРОИНТЕГРАЦИЈАТА НЕ ЗНАЧИ ПРОМЕНА НА ИДЕНТИТЕТОТ

Мицкоски нагласи дека европските интеграции треба да значат промена и подобрување на институциите, а не промена на идентитетот. Тој посочи дека Македонија продолжува да работи на својот развој и на усогласување со европските стандарди, додека истовремено ги штити своите државни интереси.

ПРОДЛАБОЧУВАЊЕ НА ОДНОСИТЕ СО САД

Премиерот посочи и дека, покрај европската интеграција, Македонија продолжува да ги продлабочува стратешките односи со САД. Според него, соработката опфаќа економски, енергетски и инфраструктурни проекти, со цел дополнително да се поттикне развојот на земјата.