(ВИДЕО) САЛАХ СО „ПАНЕНКА“ ГО ОДНЕСЕ ЕГИПЕТ ПОНАТАМУ: „Фараоните“ ја елиминираа Австралија по пенали

Драма до последниот удар

Египет се пласираше во осминафиналето на Светското првенство, откако по голема драма ја совлада Австралија со 4:2 на пенали. По регуларните 90 минути и продолженијата резултатот беше 1:1, па патникот во следната фаза мораше да се решава од белата точка. Австралија подобро го отвори натпреварот и уште рано беше блиску до водство, но Египет успеа да се стабилизира. Во 36. минута Карим Хафез одлично центрираше, а Емам Ашур погоди со глава за водство на „фараоните“ од 1:0. Австралија се врати на стартот од второто полувреме, кога Мохамед Хани си постигна автогол за 1:1.

Салах ладнокрвен од белата точка

До крајот на мечот и во продолженијата немаше нов погодок, иако Египет имаше подобар ритам и неколку опасни обиди. Голманот на Австралија, Бич, со одлични интервенции ги запре ударите на Салах и Рамија и го однесе дуелот во пенал-серија. Таму Египет беше посмирен и поуспешен, а највпечатлив момент беше ударот на Мохамед Салах, кој погоди со атрактивна „паненка“. Во следната фаза Египет ќе игра против победникот од дуелот меѓу Зеленортските Острови и Аргентина.

🚨| MOH SALAH’S PANENKA. 😮‍💨🇪🇬

Ice-cold from the spot. 🥶✨ A cheeky Panenka, and a little smile to top it off. 😅 pic.twitter.com/LcJtKbwvPg

— FÚTBOL HUB (@FutbolHub_) July 3, 2026