ДЕНЕС СЕ ПРАЗНУВА СВЕТАТА МАЧЕНИЧКА АГРИПИНА

Родена и воспитана во Рим

Православните верници денеска ја празнуваат Светата маченичка Агрипина.
Според црковното предание, таа била родена и воспитана во Рим, каде уште од детството се трудела да живее евангелски и во духовна чистота.
Света Агрипина пострадала во времето на царот Валеријан, останувајќи верна на христијанската вера и покрај тешките страдања.
Во преданието се наведува дека за време на мачењата ѝ се јавил ангел Господов и ја укрепил.

Моштите биле пренесени на Сицилија

По нејзината смрт, нејзините другарки Васа, Пауна и Агатоника ги пренеле моштите на островот Сицилија, каде биле чесно погребани.
Подоцна таму била подигната црква во чест на Света Агрипина.
Според црковните записи, од нејзините мошти се случувале многу чуда, поради што нејзиниот спомен останал силно почитуван меѓу верниците.
Света Агрипина се упокоила во 275 година.