(ВИДЕО) ЛУДИЛО НА УЛИЦИТЕ ВО ОСЛО: Норвешка испиша историја и го елиминираше Бразил

Десетици илјади луѓе слават во Осло

Вистинско лудило владее вечерва на улиците во Осло, каде десетици илјади луѓе излегоа да го прослават историскиот пласман на Норвешка во четвртфиналето на Светското првенство.
Огномети, песни, знамиња и големо славје ја преплавија норвешката престолнина по големата победа над Бразил.
Норвешка испиша фудбалска историја откако во осминафиналето славеше со 2:1 против еден од најголемите фаворити на турнирот.
Херој на мечот беше Ерлинг Халанд, кој со два гола во финишот ја одведе својата репрезентација меѓу најдобрите осум.

Халанд го реши Бразил

Бразил имаше голема шанса да поведе од пенал, но Бруно Гимараеш не успеа да реализира.
Казната стигна во 79. минута, кога Халанд ја затресе мрежата за водство на Норвешка.
Неколку минути подоцна, норвешкиот напаѓач повторно погоди и донесе огромни 0:2.
Нејмар во судиското продолжение намали на 1:2, но тоа не беше доволно за Бразил да избегне елиминација.
Норвешка во четвртфиналето ќе игра против победникот од дуелот меѓу Мексико и Англија.