ДЕНЕС ТЕМПЕРЕТУРИТЕ ДО 40 СТЕПЕНИ, попладне можни пороен дожд и грмежи

Сончево и топло низ Македонија

Во Македонија денеска, 23 август, ќе биде сончево и топло со мала до умерена локална облачност. Температурите ќе достигнат до 40 степени, при што најтопло ќе биде во источните и централните делови од земјата. Утринските температури ќе се движат од 13 до 21 степен, а во Скопје максималната температура ќе достигне околу 39 степени. Ќе дува слаб до умерен ветер од северен правец.

Попладне можни дожд, грмежи и град

Попладне на повеќе места ќе има зголемена облачност и услови за пороен дожд, грмежи и засилен ветер, а локално е можно и невреме со силен ветер и појава на град. Во Скопје, во делови од котлината, ќе има услови за краткотраен пороен дожд и грмежи. Се препорачува внимателност при престој на отворено, особено во попладневните часови кога временските услови може нагло да се променат.