ОСУМ АКТИВНИ ПОЖАРИ НИЗ МАКЕДОНИЈА: Најкритично е кај Водоча, Бонче и Желино

Пожарникарите и екипите на терен

Во Македонија во моментов се активни осум пожари на отворен простор, информираат надлежните служби. Екипите продолжуваат со ангажман на терен, а дел од жариштата се на тешко пристапни места и бараат дополнителни напори за нивно ставање под контрола. Најкритична е состојбата на потегот кај Водоча, каде што останало активно жариште. Активни пожари се регистрирани и во прилепскиот регион, Македонски Брод, Кичевско, Врапчиште, Маврово и Ростуше и Желино.

31 пожар во изминатото деноноќие

Во изминатите 24 часа на територијата на државата биле регистрирани вкупно 31 пожар на отворен простор. Од нив, 23 биле изгаснати, додека осум останале активни и продолжиле да се следат и гасат. Надлежните служби апелираат до граѓаните на максимална внимателност, особено поради високите температури и сувото време, кои создаваат услови огнот брзо да се прошири.