ЕРДОГАН МОЖЕ ПОВТОРНО НА ИЗБОРИ: Клучот е во 360 пратеници

Уставот отвора можност за уште една кандидатура на Ердоган

Реџеп Таип Ердоган би можел повторно да се кандидира за претседател на Турција и без промена на Уставот, доколку парламентот пред истекот на неговиот мандат распише предвремени избори. За таквата одлука се потребни најмалку 360 од вкупно 600 пратеници. Дебатата повторно се отвори откако заменик-претседателот на пратеничката група на владејачката Партија на правда и развој, Абдулхамит Ѓул, изјави дека не гледа уставна или правна пречка за нова кандидатура на Ердоган. Според турскиот Устав, претседателот може да биде избран најмногу двапати, но членот 116 предвидува исклучок во случај парламентот да одлучи за обновување на изборите за време на вториот мандат.

Власта нема доволно гласови сама

АКП и нејзиниот сојузник, Партијата на националистичкото движење, немаат доволно пратеници сами да ги обезбедат потребните 360 гласа, па би им била потребна поддршка од други партии. Редовните претседателски и парламентарни избори се предвидени за 2028 година, а во владејачките кругови се разговара за можноста тие да се одржат нешто порано. Сепак, засега нема донесена одлука ниту за предвремени избори ниту за нова кандидатура на Ердоган.