КАЗНИ ДО 3.000 ЕВРА ЗА РОДИТЕЛИТЕ: Хрватска предлага забрана за електрични тротинети за деца под 14 години

Родителите ќе одговараат ако им дозволат на малолетници да возат тротинети

Хрватска подготвува измени на Законот за безбедност на сообраќајот, со кои родителите и старателите би можеле да бидат казнети до 3.000 евра доколку им дозволат на деца помлади од 14 години да управуваат со електрични тротинети. Предложените мерки ги претстави министерот за внатрешни работи Давор Божиновиќ, посочувајќи дека целта е поголема безбедност на патиштата и намалување на сообраќајните несреќи. За возење без заштитна кацига и неправилно движење со тротинет се предлага казна од 100 евра. Измените предвидуваат и построги санкции за организирање или учество во нелегални улични трки, како и опасно дрифтување, со казни од 2.000 до 5.000 евра или затвор до 60 дена. Казни би имало и за возачи кои снимаат и објавуваат опасни сообраќајни маневри на социјалните мрежи. Предвидено е зголемување на санкциите и за одредени прекршоци со паркирање, некористење сигурносен појас и неправилен превоз на деца. Предложените измени допрва треба да ја поминат законската процедура, па новите казни сè уште не се во сила.

Построги санкции за опасно возење и улични трки

За организирање или учество во нелегални трки се предлагаат казни од 2.000 до 5.000 евра или затвор до 60 дена. Санкции до 2.000 евра би можеле да добијат и возачи кои снимаат и објавуваат опасно возење на социјалните мрежи. Пакетот предвидува и повисоки казни за неправилно паркирање, некористење сигурносен појас и несоодветен превоз на деца. Измените сè уште не се усвоени и ќе стапат во сила само доколку ја поминат законската процедура.