КРЕМЉ ПРЕДУПРЕДУВА: Русија би можела да употреби нуклеарно оружје за Калининград

Кремљ потврди дека НАТО бил предупреден

Кремљ потврди дека Русија го предупредила НАТО за можен нуклеарен одговор доколку Алијансата се обиде да го блокира или изолира Калининград. Портпаролот на Кремљ, Дмитриј Песков, изјави дека руските дипломати ги потсетиле европските земји на руските стратешки документи поврзани со употребата на нуклеарното оружје. Предупредувањето доаѓа по изјави од Полска и други европски земји поврзани со Калининград. Москва тврди дека евентуален обид за изолација на руската енклава би можел да биде проследен со одговор со сите расположливи средства, вклучително и нуклеарно оружје.

Калининград повторно во центарот на тензиите

Калининград се наоѓа меѓу Полска и Литванија и има стратешко значење за Русија во регионот на Балтичкото Море. Русија порача дека не планира да напаѓа земји од НАТО, но предупреди дека секој обид за блокада на Калининград би го сметала за сериозна закана. НАТО, пак, ги отфрла руските обвинувања и генералниот секретар Марк Руте изјави дека активностите на Алијансата се одбранбени.