Мицкоски за дата-центрите: „Ова е иднината на човештвото, застанувам зад оваа индустрија“

Владата останува посветена на развојот на новата индустрија

Премиерот Христијан Мицкоски порача дека развојот на дигиталната инфраструктура и дата-центрите е неповратен процес и иднина на човештвото. Тој истакна дека како професор и инженер стои зад развојот на оваа индустрија и дека Македонија треба да ја искористи можноста да стане лидер во регионот. Мицкоски нагласи дека конкретната иницијатива за дата-центар во Пехчево е приватна инвестиција за која одлучуваат локалните власти. Во исто време, Владата, како што посочи, институционално ги поддржува ваквите проекти доколку се реализираат согласно законите.

Се преговара со повеќе потенцијални инвеститори

Премиерот порача дека Владата нема да се откаже од стратегијата за развој на дата-центри во земјава, бидејќи смета дека светот забрзано се движи во таа насока. Според него, во моментов се преговара со пет до шест потенцијални инвеститори, меѓу кои и голема мултинационална компанија. Мицкоски уверува дека сите идни активности ќе бидат јавно и транспарентно презентирани, а проектите мора да ги почитуваат законските прописи и заштитата на животната средина.