НОВИ ДЕТАЛИ ЗА ТРАГЕДИЈАТА ВО БОГДАНЦИ: Ја убил 17-годишната девојка, го запалил автомобилот, па самиот си пресудил

Трагедија го потресе Богданци, каде што животот го загубија 17-годишна девојка и 21-годишен маж. Според информациите објавени од „Фокус“, 21-годишникот ја убил малолетната девојка, го запалил автомобилот, а потоа самиот си го одзел животот. Телото на девојката било пронајдено во опожареното возило, додека телото на младиот маж било пронајдено покрај него.

Полицијата добила пријава во вечерните часови во Богданци

Случајот бил пријавен на 3 ноември во 18:40 часот, откако граѓанин забележал запален автомобил и тело во негова близина. По локализирањето на пожарот, во возилото било пронајдено уште едно тело без знаци на живот.

Телата се предадени на обдукција

По наредба на јавен обвинител, телата биле предадени на обдукција. Полицијата презема мерки за целосно расчистување на случајот и утврдување на сите околности поврзани со трагедијата.