ПАПАТА ЛАВ XIV ЌЕ БИДЕ ОПЕРИРАН: Лекарите откриле јазолче на белите дробови

Папата Лав XIV објави дека во наредните денови ќе биде подложен на операција за отстранување на локализирано јазолче на белите дробови, откриено при неодамнешни медицински прегледи. Поглаварот на Римокатоличката црква, кој има 71 година, соопшти дека лекарите го откриле образувањето во рана фаза и препорачале хируршка интервенција. Засега не е соопштено дали јазолчето е бенигно или малигно.

Операцијата ќе се изврши во Рим

Интервенцијата е планирана за почетокот на следната недела во универзитетската болница „Џемели“ во Рим. Според информациите од Ватикан, се очекува закрепнувањето да трае околу една недела. Папата изјавил дека одлучил да ја следи препораката на лекарите и да го отстрани образувањето.

Прв сериозен здравствен проблем по изборот за папата Лав

Ова е првиот посериозен здравствен проблем што Лав XIV јавно го соопштува откако беше избран за поглавар на Католичката црква во мај 2025 година. Ватикан засега не објави дополнителни детали за природата на образувањето.