ПО КРАТКО БОЛЕДУВАЊЕ ПОЧИНА ВЛАДО ЈАНЕВСКИ: Македонија се простува од чаирскиот романтичар

По кратко боледување, вечерва почина популарниот музичар Владо Јаневски на свои 66 години. Македонската јавност се простува од чаирскиот романтичар.

објавено пред 2 месеци

ПО КРАТКО БОЛЕДУВАЊЕ ПОЧИНА ВЛАДО ЈАНЕВСКИ: Македонија се простува од чаирскиот романтичар

Почина Владо Јаневски на 66-годишна возраст

По кратко боледување, вечерва на една од скопските клиники почина македонскиот пејач и музичар Владо Јаневски, на 66-годишна возраст. Веста ја објави Канал 5, наведувајќи дека македонската јавност и регионот ќе го паметат по неговите незаборавни хитови. Јаневски со децении беше еден од најпрепознатливите гласови на македонската музичка сцена.

Зад себе остави голем музички белег

Владо Јаневски е роден на 27 ноември 1960 година во Скопје. Зад себе остави шест студиски албуми и голем број песни кои останаа дел од македонската музичка историја. Меѓу неговите најпознати хитови се „Ако не те сакам“, „Евергрин“, „Дома си е дома“, „Црно тиквешко“, „Ова е наше Скопје“ и „Не зори зоро“. Тој беше и првиот официјален претставник на Република Македонија на Евровизија, со песната „Не зори зоро“ во Бирмингем во 1998 година.