„ПОДАЈ РАКА – ХУМАНА ОПШТИНА ИЛИНДЕН“: Поделени 70 пакети на граѓани од ранливите категории

Во пресрет на големиот национален и христијански празник Илинден, на територијата на Општина Илинден беше реализирана хуманитарна акција наменета за граѓаните од ранливите категории. Акцијата се спроведе под мотото „Подај рака – хумана општина Илинден“, а во нејзини рамки беа дистрибуирани околу 70 хуманитарни пакети. Целта е да им се помогне на семејствата и поединците на кои поддршката им е најпотребна во пресрет на празничните денови.

Помош за ранливите категории граѓани

За спроведената акција информираше градоначалникот на Општина Илинден, Александар Георгиевски. Тој посочи дека празничните денови треба да бидат потсетник за вистинските човечки вредности, меѓусебната поддршка и солидарноста. Поделените пакети беа обезбедени со помош на донации од општествено одговорни компании и граѓани.

Благодарност до компаниите и граѓаните

Георгиевски изрази благодарност до сите што со своите донации придонеле хуманитарната акција успешно да се реализира. Од Општината нагласуваат дека ваквите иницијативи ја покажуваат важноста на заедништвото и грижата за сограѓаните. Акцијата е организирана по повод претстојниот празник Илинден, кој истовремено е и патронен празник на општината.