НП Маврово со порибување на 200 кг пастрмка и 200 кг крап во Мавровското Езеро

Националниот парк Маврово спроведе акција за порибување на Мавровското Езеро и дел од реките на територијата на паркот. Во езерото биле пуштени 200 килограми пастрмка и 200 килограми крап, додека во дел од реките било извршено порибување со речна пастрмка. Акцијата е реализирана согласно Риболовната основа и Годишниот план за порибување.

Целта е зачувување на рибниот фонд

Од Националниот парк информираат дека активностите се дел од континуираните напори за одржување и унапредување на рибниот фонд, како и за зачувување на природната рамнотежа во водните екосистеми. Порибувањето треба да придонесе за заштита на природното богатство на Маврово.

Засилени контроли против нелегалниот риболов

Паралелно со порибувањето, Службата за заштита на природата спроведува редовни контроли на водите и на целата територија на паркот. Целта е спречување на нелегалниот риболов и заштита на природните ресурси, а од Националниот парк апелираат на одговорно однесување и почитување на правилата.