(ВИДЕО-СИТЕ ГОЛОВИ) СПЕКТАКЛ ВО МЕКСИКО: Англија го победи Мексико во меч со пет гола

Голема драма во Мексико Сити

Англија се пласираше во четвртфиналето на Светското првенство откако на легендарниот стадион „Ацтека“ го совлада Мексико со 3:2.
Натпреварот започна со едночасовно задоцнување поради силно невреме над Мексико Сити, но потоа донесе вистински фудбалски спектакл.
Мексико подобро го отвори мечот, но Англија прва казни преку Џуд Белингем во 34. минута.
Само четири минути подоцна Белингем повторно погоди и донесе водство од 0:2 за Англичаните.

Англија издржа со играч помалку

Мексико се врати во игра пред крајот на првото полувреме, кога Хулијан Кињонес намали на 1:2.
Во второто полувреме Англија остана со играч помалку по директниот црвен картон за Џарел Куанса, но и покрај тоа успеа да стигне до трет гол.
Хари Кејн реализираше пенал за 1:3, а Раул Хименез од белата точка намали на 2:3 и донесе неизвесна завршница.
Мексико силно притискаше до крајот, но англиската одбрана издржа и ја однесе селекцијата во следната рунда.
Во четвртфиналето Англија ќе игра против Норвешка, која претходно го елиминираше Бразил.