РУСИТЕ ЧЕКААТ ВО КОЛОНИ ОД 5 КИЛОМЕТРИ ЗА ГОРИВО: Кина почна со испорака на гориво за Русија

Недостигот создаде долги редици

Русија се соочува со сериозни проблеми во снабдувањето со гориво, а во делови од земјата се формираат километарски колони пред бензинските пумпи.
Според објавените информации, најмалку 900 автомобили чекале и до 36 часа во колона долга околу пет километри на автопат во Чита, Сибир.
Недостигот на бензин се поврзува со нарушувањата во снабдувањето, по нападите врз руски нафтени рафинерии.
Поради ситуацијата, цените на горивата пораснале, а дел од бензинските пумпи биле принудени да ги ограничат количините за продажба.

Цистерни од Кина добиле приоритет

Во меѓувреме, Кина почнала со испорака на гориво за Русија преку граничниот премин Забајкалск.
Според руските медиуми, на преминот се создале долги колони цистерни со гориво, по што локалните власти се обиделе да им дадат приоритетен премин.
Мерката предвидувала привремено ограничување за останатите товарни возила, но по реакција на федералните власти документот бил повлечен.
Иако Москва официјално не потврдила широка криза со гориво, долгите редици, растот на цените и увозот од Кина покажуваат дека дел од регионите се соочуваат со сериозен притисок во снабдувањето.
Проблемите веќе влијаат и врз транспортот, бидејќи дел од логистичките компании пријавуваат подолги чекања, поскапи превози и потешкотии на рутите кон Кина.