СРБИНКА УКРАЛА ЛЕЖАЛКИ И ЧАДОР ВО ХРВАТСКА: Доби едногодишна забрана за влез во ЕУ

Србинка украла лежалки

Србинка на возраст од 38 години добила забрана за влез и престој во Европскиот економски простор во траење од една година, откако во Хрватска била осомничена за кражба на лежалки и чадор за сонце. Инцидентот се случил во подрачјето на Сукошан, каде жената влегла во двор на приватна куќа.

Однела три лежалки и еден чадор

Според информациите од хрватската полиција, жената во неделата околу 14 часот влегла во двор во сопственост на 59-годишен маж. Оттаму однела три лежалки и еден чадор за сонце, по што го напуштила местото.

Полицијата ја пронашла неколку дена подоцна, а украдените предмети биле одземени. Лежалките и чадорот ќе му бидат вратени на сопственикот.

Следува кривична пријава и протерување

Против 38-годишната жена ќе биде поднесена кривична пријава за кражба до надлежното обвинителство во Задар. Дополнително, поради прекршување на правилата за престој на странци, ѝ било изречено протерување од Хрватска.

Со одлуката, таа добила и забрана за влез и престој во Европскиот економски простор во следната една година.