ТРАМП ГО САКА ОРБАН ЗА НОВ ГЕНЕРАЛЕН СЕКРЕТАР НА ОН: Можен наследник на Гутереш

Американскиот претседател Доналд Трамп размислува да го поддржи Виктор Орбан за нов генерален секретар на Обединетите нации, објави „Волстрит журнал“. Според медиумските извештаи, Вашингтон разговарал со Москва и Пекинг за можноста унгарскиот политичар да биде кандидат прифатлив за трите големи сили. Засега нема официјална потврда дека е постигнат договор за неговата кандидатура.

Кандидатурата зависи од Советот за безбедност

За избор на генерален секретар потребна е препорака од Советот за безбедност на ОН, каде што САД, Русија и Кина имаат право на вето, заедно со Велика Британија и Франција. Дури и ако Орбан добие поддршка од Вашингтон, Москва и Пекинг, противењето на која било од петте постојани членки може да ја блокира кандидатурата.

Гутереш го завршува мандатот на крајот на годината, Орбан наследник?

Мандатот на актуелниот генерален секретар Антонио Гутереш завршува на 31 декември 2026 година. Името на Орбан се споменува во контекст на можните кандидати за негов наследник, но засега нема официјална потврда дека тој ќе влезе во трката за функцијата.