ТРАМП ВО ИРСКА: Големи безбедносни мерки и најавени протести поради посетата

Трамп пристигнува во Даблин

Американскиот претседател Доналд Трамп денеска пристигнува во Ирска, каде што ќе има средби со највисоките ирски претставници и други активности. Трамп треба да се сретне со ирската претседателка Кетрин Коноли во нејзината официјална резиденција, а потоа и со премиерот Мајкл Мартин. Дел од посетата ќе се одвива и во неговото голф-одморалиште во Дунбег, каде што се одржува Ирскиот опен. Ирскиот премиер порача дека очекува разговори за прашања од заеднички интерес и зацврстување на економските и културните врски меѓу двете земји.

Полицијата најави „нулта толеранција“

Посетата е проследена со засилени безбедносни мерки, бидејќи се најавени и неколку протести против Трамп. Шефот на ирската полиција Џастин Кели порача дека мирните протести ќе бидат дозволени, но дека ќе има „нулта толеранција“ за нарушување на јавниот ред или попречување на движењето на американскиот претседател. Полицијата подготвила големи безбедносни планови, а во состојба на подготвеност ќе бидат и водени топови.