ЕЗЕРСКО ДЕРБИ ВЕЧЕРВА ВО ОХРИД: „Гладијаторите“ ја пречекуваат Струга во „Билјанини извори“

Голем ракометен дуел во Охрид

Ракометарите на Охрид вечерва го пречекуваат тимот на Струга во рамки на второто коло од Супер лигата. Езерското дерби се очекува да донесе голема борба и атмосфера на трибините во салата „Билјанини извори“. Двете екипи ќе се борат за важни бодови во домашното првенство, што дополнително го зголемува значењето на натпреварот.

Охрид повикува на поддршка од трибините

Натпреварот ќе започне во 19 часот, а од таборот на Охрид ги повикаа навивачите да дојдат во што поголем број и да им дадат поддршка. Ракометарот Ален Ќосевски порача дека екипата е подготвена да го даде максимумот за да стигне до првата победа во сезоната на домашен терен.