НОВ ЕНЕРГЕТСКИ КАПАЦИТЕТ ВО СКОПЈЕ: Когенеративна централа ќе произведува струја и топлинска енергија

ТЕЦA „Енергија“ со нов производствен капацитет

Во Скопје е пуштена во работа нова когенеративна централа на компанијата „ТЕЦА Енергија“, која ќе произведува и електрична и топлинска енергија. Централата има инсталиран капацитет за производство на 2,1 мегавати електрична енергија и 2,6 мегавати топлинска енергија. Инвестицијата претставува нов чекор во развојот на приватниот енергетски сектор и зголемувањето на домашните капацитети.

Инвестиција важна пред претстојната зима

Когенеративниот систем овозможува ефикасно искористување на енергијата преку истовремено производство на електрична и топлинска енергија. Новиот капацитет треба да придонесе кон поголема енергетска стабилност и поефикасно снабдување во периодот што следува. Инвестицијата доаѓа во пресрет на грејната сезона, кога потребите за енергија традиционално се зголемуваат. Проектот е пример за вложување на приватниот сектор во современи енергетски решенија и дополнително производство.