Спорт
Дознај прв
(ВИДЕО) ЧЕРВАР ПОВИКА НА ХЕРОЈСКА БОРБА ПРОТИВ ГУМЕРСБАХ: Еурофарм Пелистер игра за спас на европската сезона
Еурофарм Пелистер го пречекува Гумерсбах во клучен дуел од Европската лига на ЕХФ. Лино Червар бара максимална борбеност и волја за победа.

Еурофарм Пелистер го очекува еден од најважните натпревари во досегашниот тек на Европската лига на ЕХФ. Битолчани пред својата публика го пречекуваат германскиот Гумерсбах, во дуел во кој победата е неопходна за да ги задржат шансите за пласман во следната фаза. По првите три кола, македонскиот претставник има само еден освоен бод и се наоѓа на последното место во групата. Тренерот Лино Червар е свесен за тежината на предизвикот, но очекува неговите ракометари да покажат максимална борбеност и желба за победа.
Червар бара трпение од навивачите
Искусниот стратег им се заблагодари на навивачите за поддршката и трпението, нагласувајќи дека екипата мора да напредува чекор по чекор. Тој посочи дека Гумерсбах ќе биде тежок противник, дури и без Рогановиќ, кој нема да настапи на натпреварот. „И без него се една силна екипа која може рамноправно да игра со која било екипа“, истакна Червар.

Червар – „Борбата и волјата мора да бидат поголеми“
Лино Червар со голема почит зборуваше за германскиот тим, потенцирајќи дека станува збор за состав со квалитетни ракометари од цела Европа, кои настапуваат во една од најсилните лиги во светот. Сепак, смета дека Пелистер не смее да се откаже однапред и дека мотивацијата може да биде клучна во обидот за изненадување. „Тие можеби се фаворити, но ние мораме да покажеме волја и желба. Мора да бидат борбата и волјата поголеми“, порача тренерот на битолчани.

