(ВИДЕО) ЕДЕН ОД НАЈУБАВИТЕ ЛЕТНИКОВЦИ НА ВОДНО ДЕМОЛИРАН: ВАНДАЛИЗИРАНА УРБАНА ОПРЕМА ВО БЛИЗИНА НА КРСТОТ

Уништено место за одмор на посетителите

До нашата редакција пристигна реакција и видео за еден од најубавите летниковци на Водно е демолиран, а урбаната опрема во негова близина е вандализирана. Станува збор за летниковец кој често го користат посетителите за одмор, прошетка и рекреација, особено во делот во близина на крстот. На местото може да се забележат оштетувања кои го нарушуваат изгледот на просторот и ја намалуваат безбедноста за граѓаните.

Апел за поголема грижа кон јавниот простор

Ваквото однесување повторно го отвора прашањето за односот кон јавните површини и урбаната опрема. Летниковците, клупите и останатите содржини на Водно се поставени за сите граѓани и треба да се чуваат, а не да се уништуваат. Вандализмот не е само штета врз опремата, туку и врз сите посетители кои го користат овој простор. Граѓаните апелираат до надлежните да реагираат, но и до посетителите да покажат поголема одговорност. Водно е едно од најпосетуваните места во Скопје и заслужува да биде зачувано.