(ВИДЕО) КАНДИДАТОТ НА ВЛЕН МУ ЧЕСТИТАШЕ НА РИВАЛОТ ОД ДУИ: Лично го поздрави влезот во вториот круг во Брвеница

Кандидатот на ВЛЕН во Брвеница лично му честиташе на противкандидатот од ДУИ за пласманот во вториот круг од изборите за градоначалник.

Јакуп Хусеини од ВЛЕН и Аркин Јахиј од НАИ се сретнаа во штабот на кандидатот на ДУИ.

Честитка во штабот на противкандидатот

Јакуп Хусеини, кандидатот на ВЛЕН за градоначалник на Брвеница, вечерва го посетил изборниот штаб на Аркин Јахиј, кандидатот на Националната алијанса за интеграција (НАИ), предводена од ДУИ, за лично да му честита за влезот во вториот круг.

На фотографиите и видеоснимките објавени од повеќе медиуми се гледаат двајцата кандидати како се прегрнуваат во присуство на партиски поддржувачи.

„За трпението, храброста, трудот од двата табора и верувам дека само вака може да одиме напред“, порача Јахиј во видеото.

Радически и Јахиј во вториот круг

Според податоците на Државната изборна комисија, по обработката на сите избирачки места, најмногу гласови освоил Стојанче Радически, кандидат на коалицијата „Твоја Македонија“, предводена од ВМРО-ДПМНЕ, со 2.943 гласа.

Втор е Аркин Јахиј од НАИ со 2.152 гласа, додека Јакуп Хусеини од ВЛЕН освоил 1.528 гласа. Јовица Радески, кандидат на коалицијата предводена од СДСМ, добил 706 гласа, а независните кандидати Душан Богдановски и Арифе Идризи освоиле 55, односно 21 глас.

Предизборни математики

Споени ВМРО-ДПМНЕ и СДСМ би изгубиле од споени ДУИ и ВЛЕН? Почнаа математиките пред вториот круг во Брвеница

Изборите по смртта на досегашниот градоначалник

Предвремените избори за градоначалник на Брвеница се одржаа по смртта на дотогашниот градоначалник Јовица Илиевски, кој почина на 23 јуни 2026 година, на 58-годишна возраст.