(ВИДЕО) КУМАНОВО ДОБИ ПЕТ НОВИ КОМУНАЛНИ ВОЗИЛА: Димитриевски се извини за нередовното собирање на сметот

Куманово доби пет нови специјализирани комунални возила, кои треба да помогнат во подобрување на хигиената и одржувањето на јавните површини во градот. Градоначалникот Максим Димитриевски денеска им се извини на граѓаните поради нередовното собирање на комуналниот отпад, особено во приградските населби. Тој посочи дека проблемите биле предизвикани од честите дефекти и техничките проблеми со возилата со кои располага јавното претпријатие. Димитриевски очекува состојбата да биде надмината до крајот на годината, со што собирањето на отпадот треба да стане поредовно и поефикасно.

НОВА МЕХАНИЗАЦИЈА ЗА ПОЧИСТО КУМАНОВО

Новите возила се набавени во рамки на проектот на Министерството за транспорт, со поддршка од Светската банка. Станува збор за две мултифункционални возила за одржување на хигиената, еден камион-прскалка и две возила за метење улици. Новата механизација ќе се користи за собирање отпад, миење на улиците и одржување на различни јавни површини.

ЦЕЛТА Е ПОЕФИКАСНО ОДРЖУВАЊЕ НА ГРАДОТ

Со новата опрема се очекува подобро одржување на тротоарите, плоштадите, улиците и останатите јавни површини во Куманово. Властите очекуваат возилата да придонесат за поефикасна работа на јавното претпријатие и постепено надминување на проблемите со кои граѓаните се соочуваа во изминатиот период.

 

View this post on Instagram

 

A post shared by 24 часа 🇲🇰 (@24chasa.mk)