(ВИДЕО) МАЛОЛЕТНИЦИ КРШАТ УРБАНА ОПРЕМА ВО ВЕЛЕС: „Кога го уништуваме заедничкото, се уништуваме самите себе“, реагира градоначалникот Колев

Малолетници кршат урбана опрема во Велес – Оштетени тартан подлогата и головите

Градоначалникот на Велес, Марко Колев, објави видео на кое се гледаат малолетници како кршат урбана опрема. Овој пат, како што посочува Колев, мета на несовесното однесување биле тартан подлогата и головите на спортскиот терен во ООУ „Васил Главинов“, наменет за спорт и рекреација на децата и младите.

Штетата ќе ја санира Општина Велес

Колев наведува дека Општина Велес и овојпат ќе ја санира направената штета, но посочува дека секој денар потрошен за поправка на намерно уништена опрема е денар помалку за изградба на ново игралиште, терен, урбана опрема и други инвестиции. Случајот, според него, е пријавен до надлежните институции, од кои се очекува да ги утврдат сторителите и да преземат соодветни мерки.

 

View this post on Instagram

 

A post shared by 24 часа 🇲🇰 (@24chasa.mk)

„Да го чуваме Велес како свој дом“

„Ги охрабрувам младите да бидат пример за оние кои се однесуваат погрешно, а возрасните да разговараат со своите деца и да ги советуваат“, напиша Колев. Тој апелираше за поголема свест и одговорност кон заедничката инфраструктура и ги повика граѓаните да пријават доколку забележат вакво вандалско однесување. „Не можеме да изградиме толку колку што можеме самите да уништиме. Заедно да се грижиме и да се однесуваме одговорно кон околината во која живееме, да го чуваме Велес како свој дом“, порача градоначалникот.