Спорт
Дознај прв
(ВИДЕО) СРБИЈА САКА ДА ГО ПРИДОБИЕ МАКЕДОНСКИОТ БИСЕР: Матеј Гаштаров вчера блесна во дербито против Партизан
Србија сака да го убеди македонскиот талент Матеј Гаштаров да игра за „Орлите“, но Македонија веќе го повика за Лигата на нации.
Македонскиот фудбалер Матеј Гаштаров е во центарот на вниманието на српската фудбалска јавност по одличниот настап во вечното дерби меѓу Црвена Звезда и Партизан. 19-годишниот играч доби високи оценки за својата игра, а дополнително привлече внимание откако изнуди пенал од кој Црвена звезда го постигна победничкиот гол за 2:1.
Србија сака да го убеди Матеј Гаштаров
Директорот за стратегија и развој на Фудбалскиот сојуз на Србија, Ранко Стојиќ, потврди дека ќе се обидат да го убедат Гаштаров во иднина да го избере српскиот дрес. „Ќе направиме сè што можеме. Ќе се обидеме“, порача Стојиќ, кој има високо мислење за квалитетите на младиот фудбалер.
Македонија веќе го повика во сениорската репрезентација
Сепак, Македонија во моментов има голема предност бидејќи селекторот Гоце Седлоски веќе го повика Гаштаров во сениорскиот национален тим за претстојните натпревари во Лигата на нации. Деби за Македонија може да има на 26 септември против Швајцарија во Скопје. Гаштаров е роден во Скопје, потекнува од школата на Вардар, а од 2024 година е член на Црвена звезда, со која неодамна го продолжи договорот до 2029 година.
