(ВИДЕО) СУДИРИ МЕЃУ ПОЛИЦИЈАТА И СТУДЕНТИТЕ ВО ТОРИНО: Протестите во Италија поради високите трошоци за живот се шират

Нови судири меѓу полицијата и демонстрантите избувнаа во Торино, каде што студенти излегоа на протест поради зголемените трошоци за живот. Незадоволството се шири и во други делови на Италија, а протестите се насочени кон политиките на владата на премиерката Џорџа Мелони. Демонстрантите ја критикуваат економската состојба и растот на животните трошоци, оценувајќи дека обичните граѓани сè потешко ги покриваат основните потреби.

Демонстрантите со критики за ЕУ

Една од пораките што се слушала на протестите е дека Европската Унија издвојува средства за војни, додека обичните луѓе се борат да обезбедат храна на трпезата. Протестите го изразуваат незадоволството од економските услови и приоритетите на европските институции.

Незадоволството се шири низ Италија

Судирите во Торино се случуваат во време кога протести се одржуваат и во други  градови.