(ВИДЕО) ТРИГОДИШНО ДЕТЕ ГИ НАДИГРА СИТЕ НА ТЕРЕНОТ: Полицијата интервенирала по пријава од фудбалски натпревар во Флорида

Тригодишно момче во Флорида ги воодушевило присутните со фудбалската игра, но по конфликт со организаторите била повикана полицијата.

објавено пред 45 минути

Тригодишно момче од Небраска стана хит на социјалните мрежи откако неговите родители објавија видео од фудбалски натпревар во Винтер Парк, Флорида, на кој детето постигнувало голови и ги воодушевило присутните. Но, наместо само по спортскиот талент на момчето, семејството се најде во центарот на вниманието откако била повикана полицијата поради наводно „преголем ентузијазам“ на тригодишното дете на теренот. Снимката од полициската камера подоцна стана вирална, а случајот предизвика реакции во јавноста.

Полицијата била повикана поради „премногу добра“ игра

На видеото се слуша како претставник на младинската фудбалска лига i9 Sports објаснува дека полицијата била повикана затоа што детето наводно се однесувало несоодветно и го нарушувало натпреварот. Според извештаите, претставникот тврдел дека родителите го охрабрувале момчето да продолжи да игра и покрај забелешките од организаторите. Лигата подоцна го исклучила детето од натпреварувањето и му ја вратила таксата за регистрација.

Родителите соработувале со полицијата

Полицијата во Винтер Парк соопштила дека семејството соработувало со службениците и дека не биле извршени апсења, ниту на родителите им било забрането да го посетуваат паркот. Според изјавата на полицијата, целта била да се смири конфликтот меѓу претставникот на лигата и родителите, а семејството на крајот се согласило да замине. Случајот предизвика реакции на социјалните мрежи, а активистката и едукаторка Рејчел Грифин го осуди постапувањето, барајќи детето да добие можност да продолжи да игра фудбал.