Хроника
Дознај прв
ШТИП ЗА 25 ГОДИНИ ДОБИЛ ПОВЕЌЕ ДОКТОРИ НА НАУКИ ОТКОЛКУ ЗА ПРЕТХОДНИОТ ВЕК: Вкупно 279 научници се поврзани со градот
Во последните 25 години Штип добил 167 доктори на науки, а вкупниот број научници поврзани со градот достигнал 279. Ова го покажуваат податоците на градската библиотека.
Штип во последните 25 години добил 167 доктори на науки, повеќе отколку во претходните 100 години, кога докторски титули стекнале 112 научници. Податоците се од евиденцијата на Роднокрајното одделение при Националната и универзитетска библиотека „Гоце Делчев“. Со годинашните девет нови доктори на науки, вкупниот број на докторирани лица поврзани со Штип достигнал 279. Нивната научноистражувачка работа опфаќа различни области, меѓу кои медицина, фармација, право, геологија и книжевност.
Меѓу познатите доктори се Шопов, Глигоров и Кљусев
Меѓу познатите доктори на науки поврзани со Штип се поетот и академик Ацо Шопов, првиот претседател на македонската влада Никола Кљусев, поранешниот претседател Киро Глигоров, генералот Михајло Апостолски, кардиохирургот Жан Митрев и физичарот Јордан Поп Јорданов. Меѓу првите доктори од градот се вбројува филологот Љубомир Милетиќ, а од поновата генерација се издвојуваат Панче Наумов и Наташа Атанасовска-Мешинковска.
Девет нови доктори од Штип на науки годинава
Од годинашните деветмина доктори, двајца докторирале во стоматологијата, тројца во фармацијата, двајца во медицинските и двајца во правните науки. Промоцијата традиционално се одржува во рамките на „Митровденските средби“, востановени пред 25 години по повод Денот на ослободувањето на Штип – 8 Ноември. Од библиотеката посочуваат дека во последните години расте и бројот на жени кои стекнуваат докторски титули, а научните трудови се чуваат во Роднокрајното одделение и се достапни за читателите.
