Свет
Дознај прв
ТРОЈЦА МАЛОЛЕТНИЦИ УАПСЕНИ ВО ПОЛСКА: Осомничени дека подготвувале терористички напад
Полицијата на Полска приведе тројца малолетници осомничени за подготовка на терористички напад и поврзаност со неонацистичко движење.

Тројца малолетници на возраст од 16 и 17 години се приведени во Полска под сомнение дека подготвувале терористички напад и биле поврзани со меѓународно неонацистичко движење. Според полската Агенција за внатрешна безбедност, двајца 17-годишници преку апликации за допишување разменувале инструкции за изработка на експлозивни направи, импровизирано огнено оружје и пиротехнички средства. Истражителите се сомневаат дека планирале да ги употребат во напад. При претрес на просториите што ги користел еден од осомничените биле пронајдени и запленети хемикалии погодни за изработка на експлозивни направи.
Двајца 17-годишници завршија во притвор
По приведувањето, судот им одредил притвор на двајцата 17-годишници, додека 16-годишниот осомничен е сместен во воспитно-поправен дом за малолетници. Надлежните институции продолжуваат со истрагата за утврдување на нивната улога во наводното планирање на нападот.
Истрагата се проширува во Полска
Случајот го води Регионалното обвинителство во Гдањск, кое работи на идентификација на други лица поврзани со групата и утврдување на целосниот обем на планираните активности. Засега не се соопштуваат дополнителни детали за можната цел на нападот.

‹ ПРЕТХОДНА ВЕСТ
ГРАЃАНИТЕ РЕВОЛТИРАНИ ПО ОДЛУКАТА НА СУДОТ ВО ОХРИД: Кристијан Корабоски доби кривична пријава и забрана да и се приближува на Сара наместо притвор
СЛЕДНА ВЕСТ ›
„ДА Е МОЈА ЌЕРКА НИ ВО ЗАТВОР НЕМА ДА МОЖЕ ДА СЕ СКРИЕ“: Новинарот Богдан Илиевски распали по насилникот и посака брзо опоравување на жртвата
