Спорт
Дознај прв
ПАВЛОВИЌ ЗА МОДРИЌ: „Зошто Лука нема мана? Ќе ви објаснам“
Српскиот фудбалер Страхиња Павловиќ го пофали Лука Модриќ, истакнувајќи го неговиот карактер, квалитет и посветеност и на 41 година.

Српскиот репрезентативец Страхиња Павловиќ зборуваше за Лука Модриќ и неговата фудбалска долговечност, посочувајќи дека и на 41 година хрватскиот ас останува клучен играч на Милан и пример за многу фудбалери. Павловиќ гостувал во подкастот „SS Calcio MrBit“, каде што бил прашан дали може да најде некоја мана кај легендарниот играч. Неговиот одговор бил дека Модриќ едноставно нема слабости и дека, покрај фудбалскиот квалитет, поседува и исклучителен карактер.
„Не, навистина не. Едноставно, пред сè, тој е сосема нормален човек“
„Не, не. Навистина не. Едноставно, пред сè, тој е сосема нормален човек. И покрај тоа што е таков шампион – ја освои „Златната топка“ (Ballon d’Or), а знаеме колку многу играчи не успеале во тоа – сепак остана цврсто на земја, со сосема нормален карактер. Сè најдобро за него“, изјавил Павловиќ. Тој додал дека Модриќ и понатаму има што да понуди на теренот и дека не треба да се брза со неговото повлекување од фудбалот.
„Лука 100 отсто ќе одигра уште една година“
Павловиќ открил дека верува оти Модриќ ќе продолжи да игра и следната сезона, иако самиот фудбалер сè уште не ја соопштил конечната одлука за својата иднина. Според српскиот дефанзивец, Хрватот и на 41 година покажува дека може да се носи со помлади фудбалери, а неговото искуство е од големо значење за Милан и за репрезентацијата. „Уште еднаш: тој има 41 година, во доцните играчки години е, а сепак го сакаат во Милан и е неопходен за националниот тим. Тоа е менталитет на шампион. Секоја година, секоја минута, секој атом сила“, заклучил Павловиќ.

