Македонија
Дознај прв
(ВИДЕО) ОХРИЃАНИ ИЗЛЕГОА НА ПРОТЕСТ: Бараат правда за претепаната Сара и стоп за насилството врз жените
Охриѓани протестираа за поддршка на претепаната Сара Ѓорѓиеска. Нејзиниот татко се приклучи на собирот, а граѓаните маршираа до Основниот суд.

Голем број охриѓани денеска излегоа на протест против насилството врз жените, во знак на поддршка на 26-годишната Сара Ѓорѓиеска, која беше претепана од својот партнер. На протестот се приклучи и нејзиниот татко, Љупчо Ѓорѓиески, кој покажа фотографија од ќерката со видливи модринки по лицето. „Ниту еден родител да не го види вакво своето дете и да не го доживее тоа што ни се случи на нас“, порача тој. Присутните скандираа „Охрид не молчи“ и „Ниту една повеќе“, барајќи правда за Сара и поголема заштита на жените од насилство.
Таткото на Сара со емотивна порака
Љупчо Ѓорѓиески им се придружи на демонстрантите и побара ниту едно семејство да не поминува низ вакво искуство. Протестот беше проследен со пораки за солидарност со жртвите и барања институциите да реагираат навремено на секоја пријава за насилство.
Марш до Основниот суд во Охрид
Од протестот беше упатен повик за ефикасни истраги, одговорност и институционално постапување без политички влијанија. По собирот на кејот, граѓаните маршираа низ Охридската чаршија и се упатија кон зградата на Основниот суд, испраќајќи порака дека насилството врз жените не смее да се премолчува.
View this post on Instagram

