ДОЖД И ГРМЕЖИ ПО ЖЕШКИОТ ПЕРИОД: Попладнево се очекува промена на времето

По неколкудневните високи температури, денеска во Македонија се очекува промена на временските услови. Денот ќе започне со променлива облачност и сончеви периоди, додека во попладневните часови во повеќе делови од земјата ќе има услови за пороен дожд и грмежи.

Засилен ветер во повеќе региони

Во западните делови ќе дува умерен, а повремено и засилен ветер од западен правец. Во источните предели се очекува умерен до локално силен северозападен ветер. Утринските температури ќе се движат од 11 степени во Берово до 15 степени во Гевгелија, додека дневните ќе достигнат од 27 до 37 степени.

Во Скопје можни краткотрајни врнежи

Во Скопје ќе преовладува претежно сончево време со мала до умерена облачност. Во попладневните часови во одделни делови од котлината се можни краткотрајни врнежи, а ќе дува умерен северен ветер. Температурата во главниот град ќе се движи од 13 до 32 степени.

Од понеделник повторно се очекува претежно сончево време со мала до умерена локална облачност. Во источните делови повремено ќе дува засилен северен ветер, а дневните температури ќе се движат меѓу 28 и 35 степени.