ВЕРИЖЕН СУДИР КАЈ БИТОЛА: Осум лица тешко повредени, патот целосно затворен

Во несреќата учествувале четири автомобили

Осум лица се тешко повредени во верижна сообраќајна несреќа што денеска се случила на регионалниот пат Прилеп–Битола–Охрид, на околу три километри пред влезот во Битола. Според информациите од СВР Битола, во судирот учествувале четири патнички автомобили. На местото веднаш пристигнале повеќе екипи на Итната медицинска помош. Повредените биле пренесени во Клиничката болница во Битола, каде што им била укажана лекарска помош.

Полицијата ги утврдува причините за несреќата

Полициски екипи вршат увид на местото и работат на утврдување на причините за тешката сообраќајна несреќа. Од СВР Битола најавуваат дека повеќе детали за учесниците и околностите ќе бидат соопштени по завршувањето на истрагата. Патот Прилеп–Битола–Охрид во моментов е целосно затворен за сообраќај. Возачите се повикуваат да ги следат насоките на полициските службеници и да користат алтернативни патни правци.