ЛОКАЛИЗИРАН ПОЖАРОТ ВО ЛОЗНАНИ: Пожарникарите со часови ги спасуваа куќите од огнената стихија

Огнот опасно се приближил до куќите

Пожарот што вчера го зафати селото Лознани во битолско е локализиран, по повеќечасовна борба на пожарникарите со огнената стихија. Огнот се движел низ сува трева и ниска вегетација и во еден момент се приближил опасно блиску до куќите во селото. Пожарникарите биле ангажирани на повеќе критични точки за да го спречат ширењето кон објектите. Благодарение на брзата интервенција, куќите биле заштитени и била избегната поголема трагедија.

Екипите остануваат на терен

Иако пожарот е ставен под контрола, екипите продолжуваат да ја следат состојбата поради опасноста од повторно активирање на жариштата. Високите температури, сувата вегетација и ветерот дополнително го отежнувале гаснењето и создавале услови огнот повторно да се прошири. Пожарникарите и надлежните служби остануваат подготвени за интервенција доколку се појават нови жаришта. Во пожарот за среќа нема информации за поголема материјална штета на куќите, кои беа една од главните цели на интервенцијата.