Четири часа евтина струја во сабота – нов предлог од Ристов

Анализите на Регулаторната комисија за енергетика (РКЕ) ќе покажат дали граѓаните ќе добијат евтина дневна тарифа за струја од четири часа, наместо сегашните два, како и дали таа ќе важи и во сабота покрај недела.

Дополнителна опција што се разгледува е воведување евтина тарифа и во сабота, бидејќи тогаш има помала индустриска потрошувачка и вишок на енергија.

„И сабота и недела се периоди во кои најголем дел од индустријата не работи поради што има вишок на енергија на пазарот која може исто да биде менаџирана. Ова е добра идеја која вреди да се разгледа – покрај во недела да има евтина тарифа и во сабота. Сѐ е на маса – едноставно го отвораме процесот и како ќе биде на крај и какви ќе бидат параметрите јавноста навреме ќе биде информирана“, додава Ристов.