Три часа висеа 30 метри над земјата: 23 лица спасени од расипан рингишпил во Хамбург

Технички дефект ги зароби посетителите

Дваесет и три лица останале заглавени високо над земјата околу три часа откако рингишпил се расипал на саем во Хамбург. Возењето запрело доцна синоќа поради технички дефект, по што започнала голема интервенција на полицијата и пожарникарите. Според германските медиуми, луѓето биле заглавени на околу 30 метри над земјата. Надлежните се обидувале да ја спуштат конструкцијата и да спречат паника меѓу патниците.

Сите се симнале неповредени

Уште пред полноќ, рингишпилот повторно бил ставен во функција, по што сите 23 лица успеале да се симнат неповредени и без помош од пожарникарите. Се очекува германската организација за техничка инспекција ТИФ да го испита случајот и да утврди што го предизвикало дефектот. Рингишпилот е дел од летниот саем „Зомердом“, кој во Хамбург трае до недела. Минатата година саемот го посетиле повеќе од 1,3 милиони луѓе.