Албанија бележи туристички бум: Над 7 милиони странци ја посетиле земјата за седум месеци

Рекорден број посетители во текот на летото

Албанија продолжува да бележи силен раст на странски туристи, покажуваат најновите податоци на државниот Институт за статистика – ИНСТАТ. Во периодот од јануари до јули годинава, во земјата влегле 7.014.168 странски државјани, што е раст од 6,5 отсто во споредба со истиот период лани. Најголем број посетители биле регистрирани во јули, кога во Албанија влегле 1.955.099 странски државјани. Тоа претставува зголемување од 7,1 отсто во однос на јули 2025 година, кога биле регистрирани 1.825.490 влезови.

Јули со речиси два милиони странски гости

Податоците покажуваат дека туристичкиот интерес кон Албанија продолжува да расте и во текот на главната летна сезона. Само во јули бројот на странски посетители се приближил до два милиони, што го прави месецот најпосетен во првите седум месеци од годината. Растот на бројот на странски гости е уште еден показател за зголемената привлечност на албанското крајбрежје и туристичките дестинации.