(ФОТО) ГОЛЕМА ИНВЕСТИЦИЈА ВО ВЕЛЕС: Започна изградбата на подземна гаража и нов плоштад

Проектот во Велес треба да биде готов следната година

Во Велес започна реализацијата на проектот за изградба на подземна катна гаража и нов плоштад, кој треба да донесе значително подобрување на инфраструктурата и урбаното уредување во градот. Подготовката на проектот веќе е завршена, а премиерот Христијан Мицкоски денеска од Велес изрази уверување дека работите ќе продолжат според предвидената динамика. Тој очекува објектот да биде ставен во употреба во првата половина на следната година.

Владата најавува поддршка и за други општини

Мицкоски порача дека Владата ќе продолжи да поддржува проекти во општините преку програмите за локален развој. Според него, општините преку ЗЕЛС веќе добиле инструкции да подготвуваат проекти за следната година, со цел навреме да започне нивната реализација. Премиерот му честиташе на градоначалникот на Велес, како и на советниците и администрацијата, за досегашната работа околу проектот.