ТРАГИЧЕН КРАЈ НА ПОТРАГАТА: 31-годишниот скопјанец пронајден починат во Охридското Езеро

Телото пронајдено на околу 50 метри од брегот на Охридското Езеро

31-годишниот скопјанец, кој беше пријавен за исчезнат во Охрид, е пронајден починат во водите на Охридското Езеро. Телото било пронајдено на 15 септември околу 22 часот, во близина на автокамп, на околу 50 метри од копното. По преземените мерки, во потрагата учествувале полициски службеници од Езерската полиција и СВР Охрид. Лекар од Итната медицинска помош констатирал смрт без траги на насилство. Препознавањето на починатиот го извршил член на неговото семејство. 31-годишникот претходно бил пријавен за исчезнат на 14 септември од неговиот 68-годишен татко, со кого престојувал во автокамп во Охрид. По насоки на јавен обвинител, врз телото ќе биде извршена обдукција за утврдување на причините за смртта.

Потрагата заврши со трагичен исход

Случајот е пријавен во СВР Охрид, а надлежните продолжуваат со постапувањето за целосно расчистување на околностите. Обдукцијата треба да даде дополнителни информации за причините за смртта.