ЗЕЛЕНСКИ ТВРДИ ДЕКА РУСИЈА НАПАДНАЛА АВИОНИ СО НЕГО: „Двапати се обидоа да нè соборат“

Зеленски – Инцидентите се случиле во молдавскиот воздушен простор

Украинскиот претседател Володимир Зеленски изјави дека Русија двапати во последните недели се обидела да ги собори авионите во кои патувал. Во интервју за „Си-Би-Ес њуз“, Зеленски рече дека неговиот претседателски авион бил во Молдавија кога, според него, била извршена акција против него. Тој додаде дека сличен инцидент се случил и при неговото враќање во Украина преку Кишињев.

Вториот инцидент досега не бил пријавен

Норвешкиот премиер Јонас Гар Стере претходно потврди дека авионот на Зеленски за малку избегнал дрон во молдавскиот воздушен простор додека украинскиот претседател патувал кон Осло на 9 септември. Зеленски сега тврди дека едно или две беспилотни летала повторно влегле во молдавскиот воздушен простор неколку дена подоцна, за време на неговото враќање. Украинските власти соопштиле дека членовите на претседателската делегација се безбедни, но во моментот не било јасно дали инцидентот бил намерен.