ШПАНИЈА ГО ЗАДРЖУВА СВОЈОТ СЕЛЕКТОР: Луис де ла Фуенте останува на клупата до 2030 година

Продолжување на договорот по светската титула

Луис де ла Фуенте ќе продолжи да ја предводи фудбалската репрезентација на Шпанија, откако е постигнат договор за продолжување на соработката до Светското првенство во 2030 година. Претседателот на Шпанската фудбалска федерација, Рафаел Лоусан, потврди дека преговорите се во завршна фаза и дека се финализираат последните детали.

Луис Де ла Фуенте со три големи трофеи

Де ла Фуенте ја презеде Шпанија во 2022 година, а под негово водство тимот ја освои Лигата на нации во 2023 година и Европското првенство во 2024 година. Во јули годинава, Шпанија со него на чело ја освои и светската титула, поради што федерацијата одлучи да го задржи на клупата и за наредниот циклус. Доколку договорот биде финализиран, тој ќе ја води Шпанија и на Мундијалот во 2030 година, кој ќе се одржи во Шпанија, Португалија и Мароко.